ބ.އޭދަފުށީ ކައުންސިލް އިދާރާގައި ބޭނުންކުރާ އެއްގަމު އުޅަނދު ފަހަރަށް ބޭނުންވާ ތެޔޮ ސަޕްލައި ކޮށްދޭނެ ފަރާތެއް ހޯދުމަށް ބޭނުންވާތީވެ މިމަސައްކަތް ކޮށްދޭނެ ފަރާތެއް ހޯދުމަށް ބީލަން ހުށަހެޅުމުގެ ދައުވަތު ހުރިހާ ފަރާތްތަކަށް ހުޅުވާލަމެވެ.

1-      ތެޔޮ ޖެހޭނީ ވެހިކަލްތަކަށް އެޅޭ މިންވަރަކަށް ސަޕްލައިކޮށްދޭށެވެ. ބިލް ހުށަހަޅަންޖެހޭނީ މަސް ނިމުމުން އެމަހަކު ކައުންސިލަށް ބޭނުންކުރެވުނު ތެލުގެ މިންވަރަށެވެ.

2-      އެގްރީމެންޓްގެ މުއްދަތުގެ ތެރޭގައި ތެޔޮ ސަޕްލައިކުރަން ހުށަހަޅާ ރޭޓަށް ބަދަލެއް ގެނެވޭނީ ހަމައެކަނި އެސް.ޓީ.އޯ އިން ޑީސަލް ވިއްކާ އަގަށް ގެންނަ ބަދަލު އެ މިންވަރަށް، އެ ތާރީޚަކުން ފެށިގެންނެވެ.

3-      އެސްޓިމޭޓް ހުށަހަޅަންވާނީ ލީޓަރަކަށް ޖެހޭ ރޭޓެވެ.

ބީލަމުގައި ރަޖިސްޓްރީވުން:

ބީލަން ހުށަހެޅުއްވުމަށް ބޭނުންވާ ފަރާތްތަކުން 05 ފެބުރުވަރީ 2024 (ހޯމަ) ދުވަހުން ފެށިގެން 13 ފެބުރުވަރީ 2024 ވާ (އަންގާރް) ދުވަހުގެ 14:00 އާއި ހަމައަށް އޮންލައިންކޮށް ތިރީގައިވާ ލިންކް މެދުވެރިކޮށް ރަޖިސްޓަރވުމަށް ދަންނަވަމެވެ.

ލިންކު: https://forms.office.com/r/mmuvbjiTWp

ބީލަމާއިއެކު ހުށަހަޅަންޖެހޭ ލިޔުންތައް:

1-      ކޮޓޭޝަން / އެސްޓިމޭޓް

2-      ކޮމްޕެނީ ރެޖިސްޓްރޭޝަން ސެޓްފިކެޓް

3-      އައި.ޑީ.ކާޑު ކޮޕީ

އަންދާސީ ހިސާބު ހުށަހެޅުން އޮންނާނީ 2024 ފެބުރުވަރީ 19 ވާ ހޯމަ ދުވަހުގެ 11:00 ގައި ބ.އޭދަފުށީ ކައުންސިލް އިދާރާގެ މީޓިންގ ރޫމުގައެވެ. އަންދާސީހިސާބު ހުށަހަޅުއްވާއިރު ބަދަލުގައި އެހެން ފަރާތަކުން ވަޑައިގަންނަވާނަމަ، އެކަން ބަޔާންކޮށް ސިޓީއެއް ހުށަހަޅުއްވަންވާނެއެވެ. ގަޑިޖެހުމަށްފަހު ހުށަހަޅުއްވާ އަންދާސީ ހިސާބުތަކާއި، އީމެއިލާއި ފެކްސްގެ ޒަރީޢާއިން ފޮނުއްވާ އަންދާސީ ހިސާބުތައް ބަލައިނުގަންނާނެކަމާއި، އަދި މަޢުލޫމާތު ފުރިހަމަނުވާ އަންދާސީ ހިސާބުތައް ބާޠިލުވާނެ ވާހަކަވެސް މަޢުލޫމާތަށްޓަކައި ދެންނެވީމެވެ.

މި ބީލަމުގައި ބައިވެރިވެވަޑައިގެންނެވޭނީ، މިނިސްޓްރީ އޮފް އިކޮނޮމިކް ޑިވެލޮޕްމަންޓުގައި ޤާނޫނު ނަންބަރު 18/2014 (ވިޔަފާރި ރަޖިސްޓަރީކުރުމުގެ ޤާނޫނު) ގެ ދަށުން ރަޖިސްޓަރީވެފައިވާ ކުންފުނިތަކަށާއި، ޤާނޫނު ނަންބަރު 19/2014 (އަމިއްލަ ފަރުދުންގެ ވިޔަފާރީގެ ޤާނޫނު) ގެ ދަށުން ރަޖިސްޓަރީވެފައިވާ ފަރާތްތަކަށެވެ.

މިހެންވެ މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.